Змена тычыцца маршрутных прыгарадных аўтобусаў, якія раней прыпыняліся ў цэнтры каля "спорттавараў" і далей рухаліся на Магілёўскую, або ў Дубровенскім кірунку. З 1 ліпеня гэтыя аўтобусы змяняюць месца прыпынку. Цяпер яны прыпыняюцца ў цэнтры каля новай аўтастанцыі. Мяняецца і іх маршрут руху па горадзе. Цяпер ад маста паміж Чаромушкамі і Усходняй аўтобусы будуць зварочваць на Пагранічную, далей на Кірава і такім чынам патрапляць у цэнтар.
На выходных, далёка не ўсе пасажыры ведалі пра змены. У выніку многія не змаглі з'ехаць своечасова, хаця асобныя кіроўцы аўтобусаў спыняліся па просьбе пасажыраў і ў цэнтры і на прыпынку каля спорттавараў.
