Поздна вечарам падцвярджаючая інфармацыя з'явілася на сайце дзяржаўнай інфармацыйнай агенцыі БелТа. Паведамляецца, што каля 17-40 (першапачаткова наш сайт паведаміў, што гэта адбылося каля 19 гадзіны вечара) у міліцыю пазванілі прадаўцы крамы. Па словах работнікаў крамы, да іх зайшоў мужчына і крыкнуў, што рабуе краму. Прадаўцы толькі пасмяяліся з рабаўніка і тады ён зрабіў тры стрэлы з пісталета - два ў паветра, адзін у нагу прадавачкі. Пры гэтым, крама ОРСа не мела, нават, "трывожнай кнопкі" і таму мужчына паспеў збегчы з месца злачынства.
Міліцыя адразу ж абвесціла план "Сірэна". На адным з прыпынкаў цягнікоў (які прыпынак не паведамляецца) за некалькі хвілінаў да ад'езду рабаўніка дагналі міліцыянты. Адбылася перастрэлка, злачынца зрабіў у бок міліцыянтаў 5 стрэлаў, сам ён быў апрануты ў бронекамезэльку. Акрамя пісталета ў мужчыны было яшчэ і выбуховае прыстасаванне.
Рабаўніку 25 год, ён жыхар Мінскага раёну. Жыццю прадавачкі нічога не пагражае, медычная дапамога аказаная.
