Перыяд вельмі гарачага надвор'я, што пачаўся ў ліпені, як паказваюць разлікі сіноптыкаў, падыходзіць да канца. Спякота пратрымаецца на гэтым тыдні толькі 2 дні - панядзелак і аўторак (11 і 12 жніўня). У гэтыя дні пасля паўдня каля +30, а ўначы + 16 ... + 20 градусаў. Магчымыя навальнічныя дажджы.
У ноч на сераду 13 жніўня праз Оршу чакаецца праходжанне халоднага атмасфернага фронту, услед за якім пачне распаўсюджвацца больш халаднаватае і вільготнае паветра з Атлантычнага ўзбярэжжа Еўропы. Тэмпература з серады і да канца тыдня складзе ноччу + 14 ... + 19, днём +21 ... + 25 градусаў. Дажджоў стане больш.
