Кошты на праезд у транспарце ў Беларусі рэгулююцца дзяржавай. Звычайна спачатку Мінскі гарвыканкам (па статусе як аблвыканкамы) прымае рашэнне пра падаражанне праезду ў сталіцы, а потым усе астатнія абласныя выкагкамы за ім падвышаюць кошты. На днях рашэнне пра падвышэнне коштаў прыняў Віцебскі аблвыканкам. Адпаведна, у Оршы кошты ў гарадскім аўтатранспарце падняліся.
Найбольш заўважна кошты падскочылі ў маленькіх маршрутках. Замест ранейшых 80 капеек, цяпер праезд па горадзе каштуе 1 рубель, праўда па стане на 5 снежня некаторыя маршрутчыкі яшчэ бралі старую плату за праезд. У вялікіх маршрутак кошт падняўся з 70 капеек да 80. А аўтобусы гарадскіх маршрутаў цяпер будуць каштаваць па 70 капеек замест 60.
