Ахвярай раней неаднаразова суджанай 44-гадовай зладзейкі з Талачына стаў пенсіянер з Оршы. Мужчына днём схадзіў у банк, дзе абмяняў на беларускія рублі 600 даляраў. Грошы разам з чэкам ён пакінуў у камізэльцы, якая вісела ў пярэднім пакоі яго кватэры. Сваё жыллё аршанец не зачыніў, чым і скарысталася падазраваная.
Як усталявалі аператыўнікі, разам са знаёмым яна хадзіла па шматпавярхоўцы і правярала, ці зачыненыя ўваходныя дзверы. Заўважыўшы, што ў жыллё можна свабодна трапіць, злачынца заходзіла ў памяшканне і пачынала яго абшукваць. Менавіта так зламысніца дзейнічала і ў сітуацыі з пацярпелым пенсіянерам. Затрымаць жанчыну ўдалося па гарачых слядах. Усе выкрадзеныя грошы канфіскаваныя. Следчымі ў дачыненні да падазронай пачалі крымінальную справу. Правяраецца яе дачыненне да іншых падобных злачынстваў.
