Сёння, 9 сакавіка, каля 8 гадзін раніцы каля дома №223 па вуліцы Леніна ў Оршы адбылася аўтамабільная аварыя. Кіроўца 1995 года нараджэння, кіруючы аўтамашынай «Опель», не справіўся з кіраваннем і выехаў на паласу сустрэчнага руху, дзе здзейсніў сутыкненне з «Міцубісі», якая рухалася ў сустрэчным напрамку, з кіроўцам 1975 года нараджэння. Але і на гэтым сітуацыя не была вычарпаная, бо аўтамабіль «Опель» здзейсніў сутыкненне яшчэ і з аўтамабілем «Рэно», якім кіраваў 28-гадовы кіроўца. У выніку ДТЗ меркаваны віноўнік — кіроўца «Опеля» атрымаў цялесныя пашкоджанні, паведамляе ДАІ. Ён быў дастаўлены ў бальніцу ім.Сямашкі. Па факце ДТЗ праводзіцца праверка.
