Нам удалося атрымаць дакладную інфармацыю пра месцазнаходжанне Дзмітрыя Казлова. Дзмітрый перастаў выходзіць на сувязь 26-га чысла, улічваючы, што ён жыве адзін, то пра тое, што са Зміцерам нешта здарылася стала вядома толькі 30-га чысла калі ён не з'явіўся ў мінскі суд. Тады ж праваабаронцы пачалі пошукі блогера. Сёння мы змаглі дакладна даведаць, што Зміцер знаходзіцца ў аршанскім ізалятары часовага ўтрымання і асуджаны на 15 сутак за ўдзел у адной з мінскіх масавых акцый супраць інтэграцыі з Расеяй. Выйсці Зміцер павінен 9-га студзеня ўжо ў 2020 годзе.
Новы год Зміцеру давядзецца сустракаць у міліцыі. У сувязі з гэтым, правабарончы цэнтар "Вясна" заклікае ўсіх неабыякавых людзей даслаць яму віншавальную паштоўку на адрас 211030, г. Орша, вул. Энгельса 25 (ізалятар часовага ўтрымання) Дзмітрыю Казлову.
