Яшчэ напачатку выступу краязнаўца адзначыў, што пытанне тапанімікі ў горадзе распрацавана слаба. За ўвесь час было выдадзена толькі тры артыкулы прысвечаныя тэме. Хаця агулам перайменаванняў у рэгіёне было больш за сто адзінак. За кожным перайменаваннем існуюць і свае гісторыі. так, у 1938 годзе Прэзидыум Вярхоўнага Савета БССР прыняў рашэнне пра перайменаванне некалькіх вёсак Аршанскага раёну, якое хаця і было прынята, ў жыццё так і не рэалізавалася. Паводле пастановы вёска Чапеліна перайменоўвалася ў вёску імя Чапаева, вёска Усы перайменоўвалася ў вёску Будзёнага, а вёска Аглобля ў вёску Розы Люксембург.

Казус адбыўся і з перайменаваннем вуліцы Вакзальнай у вуліцу Кірава. Тады па ўсёй краіне "па просьбе працоўных" вуліцы Вакзальныя перайменоўвалі ў вуліцы Кірава. Але ў нашым рэгіёне Вакзальных было дзве - адна ішла з гораду у бок вакзала, а другая ад вакзала па пасёлку Чыгуначнаму ў бок горада. І атрымалася дзве вуліцы з аднолькавай назвай і рознымі нумерацыямі дамоў, якія супадалі. У выніку калі дакумант пра перайменаванне ўжо быў надрукаваны каб пазбегнуць неразбярыхі, адна з вуліцаў была закрэслена ў дакуманце чарніламі, а зверху напісана прозвішча Молакава.

Краязнаўчы выступ некалькі разоў перарываўся смехам і адзін раз быў перарваны на віктарыну.