21 снежня выбухатэхнікі пажарнага аварыйна-выратавальнага атрада «Віцязь» Віцебскага абласнога ўпраўлення пры дапамозе накіраванага падрыву знеслі жалезабетонную трубу кацельні завода ПАК ў Оршы. Пра гэта паведаміла прэс-служба МНС. Відэа з’явілася на сэрвісе youtube.
За апошні год гэта не першы такі выбух. Раней былі знесены невыкарыстоўваемыя высотныя канструкцыі на «Оршааграсэрвісе», тым жа ПАКу, «Оршабудматэрыялах», кацельні каля цэнтральнай пошты, цэх цэменту і «Легмашы».
У кастрычніку Завод прыбораў аўтаматычнага кантролю абвясціў тэндэр на дэмантаж яшчэ шасці аб'ектаў на сваёй тэрыторыі. Гэтыя працы па зносе ацэньваюць у 9 118 967 рублёў, аплачвацца яны будуць з уласных сродкаў прадпрыемства.
