Аварыя адбылася ўчора каля 11 гадзін раніцы на 163-м кіламетры аўтадарогі М-8 "Віцебск-Гомель-мяжа Украіны" паблізу вёскі Стахоўка Аршанскага раёна. 57-гадовы мужчына, кіруючы аўтамашынай «Toyota Corolla», не справіўся з кіраваннем, здзейсніў з'езд у кювет, дзе адбылося перакульванне аўтамабіля. У выніку ДТЗ пасажыр 1962 года нараджэння атрымала цялесныя пашкоджанні і была шпіталізавана ў Аршанскую гарадскую бальніцу № 1 ім. Сямашкі. Па факце ДТЗ праводзіцца праверка.
