Дзмітрый Казлоў (больш вядомы як блогер "Шэры кот") быў кандыдатам у дэпутаты парламента, якога знялі не задоўга да дня галасавання. А ў дзень, калі яго знялі з выбараў, яго яшчэ і тройчы затрымлівала міліцыя, каб не даць патрапіць у Мінск на перадвыбарчы пікет пад назвай "сход вольных людзей".
Працягваюцца прыгоды Шэрага Ката і пасля выбараў. 22 лістапада ў сваёй паштовай скрыні ён знайшоў капэрту з позвай у Мінскі РАУС Маскоўскага раёну. У позве было напісана, што яму трэба з'явіцца ў сталічную міліцыю 20 лістапада а 16-00. Таксама ў позве незразумела, па якой справе ён павінен з'явіцца ў міліцыю і ў якасці каго.
Па стане на 25 лістапада Зміцер усё яшчэ не ведае адказаў на свае пытанні, што тычыцца позвы, што прыйшла са спазненнем.
